Castellano Galego

ENTREGA DA MEDALLA DE OURO “MARCIAL DEL ADALID” Á CORAL POLIFÓNICA “EL ECO” DE A CORUÑA

Ampliar imaxe
Ampliar imaxe

Ampliar imaxe
Baixo a presidencia do titular don Manuel Quintana  Martelo, tivo lugar o día 20 de outubro na igrexa  conventual das  Capuchinas na Coruña, a sesión extraordinaria pública para a entrega do premio Medalla de Ouro “Marcial del Adalid” á Coral  Polifónica “EL Eco” da Coruña, cumprindo o acordo plenario do 26 de maio de 2018. Asistiron ao acto, en representación do alcalde da Coruña don José Manuel Sande García, concelleiro de Cultura, Deporte e Coñecemento; a deputada provincial da Coruña dona Patricia Branco Fidalgo; o presidente e director da Coral  Polifónica “EL ECO” don Carlos González- Garcés Santiso e don Pedro Martínez Tapia, respectivamente; os académicos numerarios, don Xosé Manuel  Casabella López, don Miguel Fernández-Cid Enríquez, don  Xurxo Lobato Sánchez, don Felipe-Senén López Gómez e don Maximino  Zumalave  Caneda, así como numeroso público.
 
Tras a lectura polo secretario dos documentos de formalización do expediente e acordo de concesión do premio, o numerario da Sección de Música Sr. Zumalave  Caneda, realizou unha descrición e un percorrido histórico da Coral fundada en 1881. Seguidamente o presidente da Academia, Sr. Quintana  Martelo, procedeu á imposición da Medalla de Ouro no estandarte da centenaria Coral, facendo entrega do Diploma acreditativo ao presidente da colectividade Sr. González  Garcés-Santiso, quen pronunciou unhas palabras de agradecemento á Academia pola concesión do mencionado galardón.
 
O Sr. Quintana  Martelo, pechou o acto cunhas palabras nas que puxo de manifesto a importancia da Música como unha das artes máis significativas da cultura, e que por iso a Academia ten entre os seus fins o seu defensa, difusión e promoción, razón polo que a Academia creou en 1949 os premios “Marcial del Adalid”,  como estímulo á práctica musical, distinguindo a aquelas personalidades destacadas no eido musical, así como a corais, bandas, orquestras e agrupacións non profesionais que, de maneira notoria, contribuísen ao auxe e esplendor artístico musical de Galicia, cunha consolidada traxectoria histórica e unha reconocible calidade artística. Finalizando, que con este acto a Academia honra á centenaria colectividade polo seu extraordinario mérito que desde a súa fundación de maneira relevante, grazas ao esforzo persoal e colectivo, soubo manter viva a tradición coral galega como parte da nosa identidade.
 
 Como colofón a Coral  Polifónica "El Eco", baixo a dirección do mestre Martínez Tapia, interpretou as obras:  In Monte  Olivetti ( J.  Naujalis); Señor, me cansa la vida ( J. A. García / letra: A. Machado); A tu lado ( J. Busto / letra: M.  Antón  Meana); Te quiero (A.  Favero / letra: M.  Benedetti / arm:  L.  Cangiano);  Lela ( R. Mato / letra: A.  R. Castelao /  arm: X. Domínguez) O  quer que  lle  quer (M.  Farto); Canto de  Pandeiro de  Caión (Popular /  arm:  Fdez. Amor), e a  Pandeirada de Vilariño (Popular), finalizando co canto do Himno  Galego.

A Academia, na sesión ordinaria celebrada o día 26 de maio de 2018, acordou conceder o citado galardón á histórica agrupación coruñesa fundada en 1881 por Pascual Veiga, autor do Himno Galego e da célebre Alborada Gallega, tendo como mestres directores aos célebres músicos José Castro " Chané", José Baldomir, Mauricio Farto, Fernández Amor, Rodrigo A. de Santiago, González de Velasco, Francisco Méndez e Rogelio Groba, entre outros. "El Eco” é a coral en activo máis antiga da Península Ibérica. Entre os seus numerosos premios e galardóns cabe destacar o de Órgano Oficial do Excmo. Concello da Coruña, a Medalla de Prata da Cidade da Coruña e a Medalla de Ouro en París e Oporto.
 
 O seu amplo repertorio abarca a polifonía “a capella”, relixiosa, profana, antiga, moderna, internacional, española e galega. Acompañada de Orquestra ou Banda, interpretou operas, operetas, zarzuelas, cantatas e oratorios. Participou nas temporadas de ópera da Coruña, Vigo, Oviedo e Madrid. O seu repertorio operístico rexistra máis de trinta títulos ofrecidos en máis de dúascentas representacións e actuou as órdes de prestixiosas batutas nacionais e extranxeiras, compartindo cartel con figuras internacionais da lírica. Na actualidade “El Eco” está presidido por Carlos González-Garcés Santiso e o director é Pedro Martínez Tapia.

Fotos de F. Torrecilla e Lourdes Cancela



         

Fecha: 28/09/2018







Contacto  |  Aviso legal  |  

MARTES 20 DE NOVEMBRO. CONFERENCIA “AS MENINAS DE CANIDO”. 09/10/2018
 
​INGRESO DE DONA CARMEN LAMAS PÉREZ NA REAL ACADEMIA GALEGA DE BELAS ARTES 02/10/2018
 
DONA SOLEDAD PENALTA LORENZO INGRESOU O PASADO 27 DE OUTUBRO NA REAL ACADEMIA GALEGA DE BELAS ARTES 01/10/2018
 
XOVES 25 DE OUTUBRO. "MERCEDES GOICOA: MÚSICA PARA VIVIR". XORNADA ARREDOR Á FIGURA DA PRESIDENTA DE HONRA DA ACADEMIA NO CONSELLO DA CULTURA GALEGA 29/09/2018
 
ENTREGA DA MEDALLA DE OURO “MARCIAL DEL ADALID” Á CORAL POLIFÓNICA “EL ECO” DE A CORUÑA 28/09/2018
 
ROTEIROS DE ARQUITECTURA POLA PROVINCIA DE PONTEVEDRA 27/09/2018
 
​A ACADEMIA GALEGA DE BELAS ARTES DEDICARÁ O DÍA DAS ARTES GALEGAS, 1 DE ABRIL DO 2019, A LUÍS SEOANE 01/07/2018
 
A ESCULTORA SOLEDAD PENALTA E A PINTORA MENCHU LAMAS, NOVAS ACADÉMICAS DA GALEGA DE BELAS ARTES 26/05/2018
 
"DÍA DAS ARTES GALEGAS 2018" DEDICADO A ALEJANDRO DE LA SOTA 16/04/2018
 
ENTREGA DOS PREMIOS “MARCIAL DEL ADALID” A 15 MEMBROS DA «CORAL POLIFÓNICA DA CONFRARÍA DE PESCADORES SAN MARTIÑO» DE O GROVE (PONTEVEDRA) 14/04/2018
 

Desarrollo web: Brigantia