O vindeiro martes 22 de outubro ás 20 horas terá lugar na Academia Galega de Belas Artes a conferencia “A Coruña na II República. Racionalismo en expansión” na que o doutor arquitecto José Ramón Soraluce Blond disertará sobre a construción de vivendas obreiras promulgadas durante as leis da II República. A Coruña foi, entre as cidades españolas, unha das que tramitou máis expedientes de construcións de renda limitada. A sublevación militar de 1936 só supuxo unha curta paréntese na construción destas vivendas de estilo racionalista, cuxo arraigamento foi tal que se prolongou durante as dúas décadas seguintes en que se formaron os barrios periféricos da cidade.
JOSÉ RAMÓN SORALUCE BLOND
É Doutor Arquitecto. Académico de número da Real Academia Galega de Belas Artes; Académico Correspondente das Reales Academias de Bellas Artes de San Fernando de Madrid e de San Jordi de Cataluña; Membro numerario do Instituto José Cornide de Estudios Coruñeses; Catedrático xubilado da Escola Técnica Superior de Arquitectura de A Coruña. É, así mesmo, proxector de edificios e realiza traballos de restauración. Ten innumerables publicacións e traballos de investigación sobre o patrimonio histórico e a arquitectura galega.
A entrada é libre ata completar capacidade