O vindeiro sábado, 16 de decembro ás 12:30 horas terá lugar na sede da Real Academia Galega de Belas Artes (praza pintor Álvarez de Sotomayor, 1. A Coruña) a inauguración da exposición “Martín Codax/Rodríguez-Losada: Dous precursores da música galega. Día das artes 2023/ 50 aniversario do seu falecemento”, mostra organizada pola propia Academia como un dos actos do “Día das Artes Galegas 2023” dedicado nesta edición á figura de Martín Codax, primeiro autor galego do que se conserva texto e música, presente a través de trazos identitarios do que hoxe entendemos por música galega, tanto da popular como da culta e na que serán expostos paneis explicativos sobre o Pergamiño Vindel, as Cantigas e os compositores do rexurdimento.
 Así mesmo, co gallo do 50 aniversario do pasamento Eduardo Rodríguez-Losada Rebellón, exhibiranse na propia mostra, documentos e partituras orixinais do que fora arquitecto, compositor e académico de honra da Institución.
 
A exposición poderá visitarse ate o 16 de febreiro de 2024 en horario de 10 a 14 horas de luns a venres.
 A entrada é libre